Limon Niyə Turşdur

Bu sual *limonun turş olmasına gətirib çıxaran nədir* şəklində soruşulsaydı cavabı sadə idi, "içindəki turşu nisbətidir". Turşluğun turşu nisbətinin yüksəkliyindən qaynaqlandığı qəbul edilir, amma ikisi arasındakı əlaqə bu qədər sadə deyil. Dəyişik turşular fərqli dadlardadırlar. Turşluq turşunun miqdarı və növünün yanında qidanın digər komponentləri xüsusilə şəkərlərin varlığı ilə də əlaqədardır.
"Limonun dadı nə üçün turşdur" sualının cavabı isə tam müəyyən deyil. Təbiət qaydalarına görə limonun turş olmaması lazımdır. Limon parlaq rəngli, xoş qoxulu bir meyvədir. Meyvə isə bitkidə toxumlan daşıyan orqandır. Ümumiyyətlə şirin, sulu və ətli olar. Meyvələrin ən fundamental vəzifələrindən biri toxumların ola bildiyincə uzaq bir sahəyə yayılmalarını təmin etməkdir.
Bəzi meyvə növlərində toxumlar paraşütə bənzəyən tük dəstələrinin köməyiylə uçaraq bitkidən uzaqlaşarlar. Bəzi quru meyvələr özbaşlarına yarılıb açılarlar və bitki küləkdə yelləndikcə toxumlan ətrafa saçılarlar. Bəziləri isə birdən-birə partlayaraq toxumlarını sürətlə ətrafa atarlar.

Əslində limonun turş dadından xoşlanan başda meymunlar olmaq üzrə bir çox heyvan vardır. Bunların həqiqətən turş daddan xoşlandıqları üçünmü limon yedikləri, yoxsa bədənlərindəki C vitamini tarazlığını təmin etmək üçün belə davrandıqları tam bilinməməkdədir.